२०६८-०७-३०
भरतपुर(कास)- जिल्ला वनले २महिन बिचमा काठ काट्ने र त्येसको चोरी निकासी अभियोगमा पक्राउ परेका ४४ जना माथि कारबाही गरेको छ|
यस अबधिमा काठ ओसारपसार गर्ने ७ सवारी पनि नियन्त्रनमा लिएको छ| कार्यालयका अनुसार २ महिनामा २१ चोरी तस्करीका घटना भएका छन्|
जिल्ला वन प्रमुख डा. इन्द्र प्रसाद सापकोटाका अनुसार कारबाही पर्नेमा सालका रुख काट्ने देखि मिल संचालक समेत छन्|
एक महिना अघि सक्तिखोर ४ स्थित गैरिबरिमा सालका ३ रुख काटेको र स्थानीय रुपेन्द्र काठ मिलमा पुर्याएको अभियोगमा ४ जनालाई जिल्ला अदालतले साता अघि पुर्पक्षक लागि थुनामा पठाएको छ|
थुना पर्नेमा जुटपानी-७ का राजकुमार गुरुङ, सक्तिखोर ४ का पूर्ण बहादुर चेपांग, अभिसेक लामा र शिव्ध्वज खत्री रहेका छन्| मिलमा छापा मर्दा काठ सहितको ट्राक्टर फेला परेको थियो| मिल कर्मचारी पक्राउ परेपछि थप २२ जनाको संग्लग्नता खुलेको छ|
फरार अभियुक्तको खोजि भैरहेको सापकोटाले जनाए| "वन ऐन अनुसार कारबाही माग गर्दै जिल्ला अदालत पेश गर्यौ," उनले भने, "माथिल्लो स्तरक घटनामा अदालत पेश गरिन्छ| गैरिबरी पूर्वी चितवनको उदयपुर सामुदायिक वनको समरक्षण क्षेत्रमा रहेको छ| 'कारबाहीले निरुत्साहित गर्छ' उनले भने, 'आतंकित तुल्याउने उदेस्य होइन |
दहखानिबाट काठ काटेर ल्याउदै गर्दा पक्राउ परेका ५ अभियुक्तलाई पनि पुर्पक्षका लागि थुनामा पठाएको छ| सामुदायिक वनमा काठ तस्करीमा गिरोह संग्लग्न भैरहेको गुनासो बढेपछि वनले कारबाही तिब्र तुल्याएको हो|
(साभार-कान्तिपुर राष्ट्रिय दैनिक )
